Қызылұйым негізгі мектебінің оқушылары «Бояулар құпиясы» байқауында.

Қызылұйым  негізгі мектебінің оқушылары «Бояулар құпиясы» байқауында.

  11 ақпанда Біржан сал ауданында «Рухани жаңғыру»  бағдарламасын жүзеге асыру аясында «Бояулар құпиясы» атты  аудандық жас суретшілер байқауы өтті.

 Байқауға қатысушылар екі жас ерекшеліктері  бойынша сынға түсті:

 1 санат – 10-14 жас,

2 санат – 15-17 жас.

Байқау екі кезеңнен өткізілді. Бірінші кезең – іріктеу- аудандық байқау, екінші кезең – қорытынды- облыстық байқау.

   Байқауға Қызылұйым негізгі мектебінің 7-сынып оқушысы Рахимбекова  Аружан мен 6-сынып оқушысы Қаскенов Уалихан қатысты.  Аружан дипломмен марапатталса, Уалихан  жүлделі ІІ орынды иеленіп, мадақтама қағазымен және бағалы сыйлықпен марапатталды. Байқау  қатысушылардың шығармашылық  жұмыстары негізінде бейнелеу өнерінің жанрлары бойынша өткізілді. Олар  портрет, пейзаж, натюрморт салды.

Топ жетекшісі Айгүл Қуандыққызы  Алғыс хатпен мараптталды.

   14-15 ақпан аралығында  екінші кезең – қорытынды  байқау  Көкшетау қаласында өтті. Қаскенов Уалихан «Ұлы даланың жеті қыры» номинациясында облыстық жас суретшілер байқауына белсене қатысып, шығармашылық табысқа жеткені үшін грамотамен марапатталды.